थाहानगर/३१ जेठ

मकवानपुर स्थित थाहा नगर उद्योग वाणिज्य संघले नवनिर्वाचित नेपाल उद्योग वाणिज्य महासंघ बागमती प्रदेश कार्यसमितिलाई स्वागत सम्मान गरेको छ ।

३१ जेठमा संघको सभा हलमा अध्यक्ष पुरुषोत्तम ढकालको सभाध्यक्षता एवम् थाहा नगरपालिका प्रमुख बिष्णु बहादुर विष्टको प्रमुख आतिथ्यता, नगर उपप्रमुख भरत गोपालीको विशिष्ट आतिथ्यतामा स्वागत गरिएको हो ।

कार्यक्रममा महासंघका अध्यक्ष बेद बहादुर श्रेष्ठ, जिल्ला नगर उपाध्यक्ष कृष्ण कुमार गुप्ता, एसोसिएट उपाध्यक्ष कृष्णभक्त श्रेष्ठ, बस्तुगत उपाध्यक्ष प्रेमहरी मैनाली, कोषाध्यक्ष रुद्र बहादुर खत्री, सदस्यहरु राजन कार्की, सनत थापा, नबिन्द्र देव सिंह, जयप्रकाश श्रेष्ठ, सृजना श्रेष्ठ, यादव दाहाल, प्रदिपमान प्रधान, कृष्णमुरारी न्यौपानेलाई स्वागत गरेको हो । 

कार्यक्रमको अवसरमा संघका उपाध्यक्ष सुरेन्द्रमान प्रधान पालुङ क्याम्पसको अध्यक्षमा र संघका सदस्य बलराम थापा सदस्यमा  निर्वाचित हुनु भएकोमा बधाई व्यक्त गरेको छ । संघले आफ्ना सदस्य यादव जंग रायमाझीलाई जनकल्याण मावि एल्मुनाई एसोसिएशनको अध्यक्षमा निर्वाचित भएकोमा बधाई व्यक्त गरेको छ ।

कार्यक्रममा प्रमुख अतिथि विष्टले थाहाको पर्यटन उद्योगलाई विकास गर्न निजी क्षेत्रसँग सहकार्य गर्न नगरपालिका तयार रहेको बताउनु हुँदै थाहाको पर्यटनमा लगानी गर्न आव्हान गर्नुभयो ।

कार्यक्रममा नेपाल उद्योग वाणिज्य महासंघ बागमती प्रदेशका अध्यक्ष बेद बहादुर श्रेष्ठले महासंघले बनाइने योजनामा थाहालाई समेटेर बनाउने प्रतिवद्वता व्यक्त गर्नुभयो । कार्यक्रममा महासंघका जिल्ला नगर उपाध्यक्ष कृष्ण कुमार गुप्ता, संघका निवर्तमान अध्यक्ष कविराज खत्री, उपाध्यक्ष सुरेन्द्रमान प्रधानले पछिल्लो समयमा व्यवसायीले भोग्नु परेको समस्यालाई प्राथमिकता दिन आवश्यक रहेको बताउनु भयो ।