थाहानगर/१४ असार

नेकपा एमाले थाहा नगर कमिटीले सदस्यता नवीकरण र पार्टी सुदृढीकरण अभियानलाई तीव्र बनाउने निर्णय गरेको छ ।

१४ असारमा सम्पन्न नगर कमिटीको बैठकले आगामी असार मशान्तभित्र सबै वडा कमिटीहरुको बैठक बसि निस्कृय रहेका कुनै पनि पदका सदस्यलाई बिदा गरि सम्बन्धित कमिटीले पदपूर्ति गर्ने बाटो खुल्ला गरेको छ । 

बैठकले पार्टी सदस्यता नवीकरणका लागि साउन ७ गतेसम्मको म्याद तोकेको नगर सचिव सुजन कुमार रायमाझीले जानकारी दिनुभयो । 

पार्टी नगर अध्यक्ष सुरेन्द्रमान प्रधानको सभाध्यक्षता एवम् केन्द्रीय सदस्य महेश कुमार बर्तौलाको प्रमुख आतिथ्यतामा भएको बैठकले जननेता मदन भण्डारीको ७५ औं जन्मजयन्तिको अवसरमा भण्डारीको तस्वीरमा पुष्पगुच्छा अर्पण गर्दै आगामी कार्ययोजनामा ध्यान केद्रीत हुन बर्तौलाले आग्रह गर्नुभयो । 

बैठकले विगतका कार्यक्रमहरुको समीक्षा गर्दै भावी कार्ययोजनामा समेत छलफल गरेको छ । बैठकमा जिल्ला कमिटी सदस्यहरु विमल कुमार ढकाल, हरि गोपाली, नगर उपाध्यक्ष हेम कुमार थिङ, पूर्व प्रदेश कमिटी सदस्य श्यामभक्त श्रेष्ठ, पूर्व जिल्ला कमिटी सदस्य बलराम थापा, प्रदेश युवा तथा खेलकुद विभाग सदस्य विजय बलामी, युवा ६ नम्बर वडा कमिटी अध्यक्ष मनहरी भट्ट, नगर कमिटी सदस्य मानबहादुर स्याङ्तान, ४ नम्बर वडाका कार्यबाहक अध्यक्ष ज्ञानेन्द्र अधिकारी, ५ नम्बर वडा अध्यक्ष विष्णु बहादुर गुरुङ, राष्ट्रिय युवा संघ नेपालका अध्यक्ष सुमन  रायमाझी, नगर सदस्य जितबहादुर थोकर,  नेपाल उत्पीडित जातीय मुक्ति समाजका अध्यक्ष अशोक खातीलगायतले आफ्नो धारण राख्नु भएको थियो ।