थाहानगर/७ असार

मकवानपुर जिल्ला कैलाश गाउँपालिकाबाट डाँका चोरी अभियोगमा तीन जना पक्राउ परेको छ ।

इकाका प्रहरी कार्यालय पालुङले कैलाश २ घर हुने टोकल माइला भन्ने रुद्र मुक्तान, धादिङ जिल्ला बेनिघाट रोराङ गाउँपालिका १ बस्ने उमेश तामाङ र अशोक तामाङलाई पक्राउ गरेको हो ।

उनीहरुलाई प्रहरीले इलाका प्रहरी कार्यालय गजुरीको समन्वयमा शुक्रबार पक्राउ गरेको हो ।

उनीहरु माथि कैलाश २ स्थित बुधराम मुक्तानको घर फोडी नगद ६ लाख रुपियाँ चोरी गरेको आरोप छ । उनीहरु बिरुद्व डाँका चोरीको अभियोगमा जिल्ला अदालत मकवानपुरबाट म्याद थपको प्रक्रिया सुरु गरेको इप्रका पालुङले जनाएको छ ।