Byroad News

Loading...

प्याव्सन थाहाको अध्यक्षमा पुन: प्रधान


प्याव्सन थाहाको अध्यक्षमा पुन: प्रधान

थाहानगर/१० मंसिर 

निजी तथा आवासीय विद्यालय अर्गानाइजेशन नेपाल (प्याव्सन) थाहा नगर समितिको तेस्रो अधिवेशनले सुरेन्द्रमान प्रधानलाई पुन: अध्यक्ष पदमा सर्वसम्मत गरेको छ ।

सोमबार होटल फेमिलीमा भएको अधिवेशनले प्रधानको अध्यक्षतामा ७ सदस्यीय कार्यसमिति चयन गरेको हो । समितिको उपाध्यक्षमा सजिनभक्त श्रेष्ठ, सचिव संगम कार्की र कोषाध्यक्षमा श्यामकृष्ण जोशी चयन हुनु भएको छ । समितिको सदस्यहरुमा मनोज रायमाझी, सुदर्शन कार्की र सुशील ओस्ती चयन हुनु भएको छ । समितिको सल्लाहकारद्वयमा रामकृष्ण बस्नेत र रामशरण थापा चयन हुनु भएको छ । समितिको कार्य अवधी ३ वर्षको रहनेछ ।

अधिवेशनमा प्रमुख अतिथि प्याव्सन मकवानपुरका अध्यक्ष बिनोद सुवेदीले थाहा नगरमा प्याव्सनले सकारात्मक पारेको प्रभावको बताउनु हुँदै अबको कार्यकाल शिक्षक र संस्थापकहरुको क्षमता अभिवृद्धिमा ध्यान दिन सुझाव दिनु भयो ।

कार्यक्रममा प्याव्सन मकवानपुरका वरिष्ठ उपाध्यक्ष राजकुमार नहर्की, प्याव्सन थाहा नगरका पदाधिकारीहरुलगायतले बोल्नु भएको थियो ।

Comments

KATHMANDU WEATHER