२२ जेठ, काठमाडौं । चितवन केशरबागका भागीरथ तिमल्सेनाको गोठमा २० वटा गाई छन् । उनले सबै गाईबाट गरेर एक दिनमा जम्मा १२० लिटर दूध दुहुन्छन् । लामो समयदेखि पशुपालनमा लागेका उनले एउटै गाईलाई एक लाख ३० हजार रुपैयाँसम्म तिरेर किनेका हुन् ।

लकडाउनअघिसम्म भागीरथले प्रतिलिटर ६० रुपैयाँमा दैनिक सात हजार दुई सय रुपैयाँको दूध नजिकैको डेरीमा बिक्री गर्थे । तर कोरोनाले लकडाउन सुरु भएपछि उनको व्यवसाय चौपट भएको छ । पहिले हप्तामा सातै दिन बिक्री गर्ने दूध अहिले दुई दिन मात्रै बिक्री हुने गरेको उनले बताए ।