थाहानगर/१ असार

नेपाल राष्ट्रिय शिक्षक संगठन थाहा नगर समितिको अध्यक्षमा मनोज लामिछाने सर्वसम्मत चयन हुनु भएको छ ।

१ असारमा सुनौला सिकाइ केन्द्रको हलमा सम्पन्न तेस्रो नगर अधिवेशनले लामिछानेको अध्यक्षतामा २७ सदस्यीय नगर समिति सर्वसम्मत चयन गरिएको निर्वाचन अधिकृत श्रीराम दाहालले जानकारी दिनुभयो ।

समितिको महिला उपाध्यक्षमा सावित्री केसी, उपाध्यक्षमा कृष्ण भट्ट, सचिवमा सचिन कुमार बल, सह-सचिवमा सविना अर्याल, कोषाध्यक्षमा हरिप्रसाद ढकाल, सह-कोषाध्यक्षमा कविता कँडेल सर्वसम्मत हुनु भएको छ ।

समितिको सदस्यहरुमा जगन्नाथ अधिकारी, रामबहादुर महर्जन, लोक बहादुर थिङ, रामगुलाम चौधरी, कमल थापा मगर, सुशिला पुलामी, गोमा घलान, सरस्वती कार्की, रेजिना लामा, लक्ष्मी ढकाल र देवकी अर्याल निर्विरोध हुनु भएको छ ।

अधिवेशनबाट निर्वाचित समितिलाई नेपाल राष्ट्रिय शिक्षक संगठन मकवानपुर जिल्ला अध्यक्ष श्रीराम दाहालले सपथ ग्रहण गराउनु भयो ।

अधिवेशनको उद्घाटन सत्र रुपचन्द्र गोपालीको सभाध्यक्षता एवं जिल्ला अध्यक्ष दाहालको प्रमुख आतिथ्यतामा भएको थियो । उद्घाटन सत्रमा प्रमुख अतिथि दाहाल, नेकपा एमाले जिल्ला कमिटी सदस्य शशीधर सुवेदी, एमाले थाहा नगर अध्यक्ष सुरेन्द्रमान प्रधान, नेपाल राष्ट्रिय शिक्षक संगठन जिल्ला सदस्य एवं थाहा नगर ईञ्चार्ज रमेशमान डङ्गोल, नगर सचिव गणेशमान श्रेष्ठ, नेराशिसं जिल्ला सचिव मुकुन्द न्यौपानेलयागतले शुभकामना व्यक्त गर्नु भयो । मनोज लामिछानेले स्वागत गर्नु भएको कार्यक्रम सचिव कृष्ण प्रसाद लामिछानेले गर्नु भएको थियो ।

अधिवेधनले अध्यक्ष गोपाली, सचिव लामिछाने र कोषाध्यक्ष सचिन कुमार बलले प्रस्तुत गर्नु भएको प्रतिवेदनहरु पारित गरेको थियो ।