हेटौंडा/८ भदौ
मकवानपुरमा आज थप ४३ जनामा कोरोना भाइरस संक्रमण पुष्टि भएको छ ।

पछिल्लो २४ घण्टामा १०९ जनामा पीसीआर परीक्षणमा ३६ जना र ११६ जनामा गरिएको एन्टीजेन परीक्षणमा ७ जना गरी थप ४३ जनामा कोरोना पुष्टि भएको स्वास्थ्य कार्यालय मकवानपुरले जनाएको छ ।

यसैगरि जिल्लामा पछिल्लो २४ घण्टामा ४४ जनाले कोरोना जितेका छन् ।

यो संगै जिल्लामा हालसम्म १४ हजार ५५० जनामा कोरोना पुष्टि भएको छ भने १४ हजार २२२ जना संक्रमण मुक्त भएका छन् । जिल्लामा हालसम्म कोरोनाको कारण १ सय ५९ जनाको मृत्यु भएको छ ।

जिल्लामा हाल १ सय २७ जना सक्रिय संक्रमित उपचाररत रहेका छन् ।