थाहानगर/२५ मङ्सिर 
मकवानपुर प्रहरीले मकवानपुरको मनहरीमा ४५ किलो लागुऔषध गाँजा बरामद गरेको छ।

मकवनापुरको राक्सिराङ-३ कठारीमा जिल्ला प्रहरी कार्यालय मकवानपुर र ईलाका प्रहरी कार्यालय मनहरी मकवानपुरबाट खटिएको संयुक्त प्रहरी टोलीले ४५ किलो लागुऔषध गाँजा बरामद गरेको छ। 

गस्तीमा रहेको प्रहरीले सो परिमाणको गाँजा फेला पारेको हो । प्रहरीलाई देखेर गाँजा बोकेर हिडिरहेका २ जनाले सो गाँजा फालेर भागेको प्रहरीले जनाएको छ ।

उक्त गाँजा आवश्यक प्रकियाका लागि जिप्रका ल्याइएको र फरार व्यक्तिको खोजी कार्य भइरहेको मकवानपुर प्रहरीले जनाइएको छ।