थाहानगर/१२ जेठ

थाहा नगरपालिकामा सुरु भएको पाचौँ थाहा गोल्डकप फुटबल प्रतियोगितामा भीमफेदी एफसी र कुर्दन एकेडेमी विजयी भएको छ ।

शनिबार भएको पहिलो खेलमा बागेश्वरी युवा क्लबलाई १–० को गोल अन्तरले पराजित गर्दै भीमफेदी विजयी भएको हो । शनिबार नै भएको दोस्रो खेलमा कुर्दन एकेडेमी विजयी भएको छ । कुर्दन र हिमाली डाफे एफसीविरुद्धको खेलमा दुवै टिमले निर्धारित समयमा गोलरहित भएपछि खेल ट्राइबेकरमा धकेलिएको थियो । 

ट्राइबेकरमा ९–८ को गोल अन्तरले हिमालीलाई पराजित गर्दै कुर्दनले विजयी सुरुवात गरेको हो । त्यसैगरी, शनिबारनै भएको तेस्रो खेलमा आयोजक थाहा नगरपालिकालाई ३-१ गोलले पराजित गर्दै चित्लाङ एफसी बिजयी भएको छ।

प्रतियोगिता अन्तर्गत जेठ १३ गते आइतबार बिहान ९ बजे बिनयबाबु स्मृती बिरुद्ध सकृय युवा क्लब बिच हुनेछ । थाहा नगरपालिकाको खेल मैदान इन्द्रायणी चौरमा सञ्चालन भइरहेको प्रतियोगितामा नौ वटा टिमले सहभागिता जनाएका छन् । ५ दिन सम्म चल्ने प्रतियोगिताको बिजेताले पुरस्कार नगद २ लाख र उपबिजेताले नगद १ लाख रुपियाँसहित शिल्ड, मेडल र प्रमाणपत्र प्राप्त गर्ने छन् ।

खेलको उद्घाटन थाहा नगरपालिकाका प्रमुख विष्णु विष्टले गर्नु भएको हो । उद्घाटनको अवसरमा नगर उपप्रमुख भरत गोपाली, विभिन्न राजनीतिक दलका प्रमुखहरु, विभिन्न संघसंस्थाका प्रमुख तथा प्रतिनिधिहरुको आतिथ्यता थियो ।

तस्वीर: शम्भु अधिकारी