थाहानगर/७ फागुन

नेपाल हृदय रोग प्रतिष्ठान उपशाखा पालुङको आयोजनामा नि:शुल्क स्वास्थ्य सिविर सम्पन्न भएको छ ।

प्रतिष्ठानले ५ फाल्गुन शनिबार थाहा नगरपालिकाको महादेव स्थान र ७ फागुन सोमबार घर्तिखोलामा नि:शुल्क स्वास्थ्य सिविर सञ्चालन गरेको हो ।

महादेव स्थानमा ३० जना र घर्तिखोलामा ४३ जनाको स्वास्थ्य परिक्षण गरिएको प्रतिष्ठानका सहसचिव राजाराम रायमाझीले जानकारी दिनुभयो ।

सिविरमा डा. गगन कार्कीले स्वास्थ्य परिक्षण गर्नु भएको थियो । सिविरमा पालुङ स्वास्थ केन्द्रका साजन गोपाली र चन्द्रदिप भुजेलले परिक्षणमा सहयोग गर्नु भयो ।

सिविरमा प्रतिष्ठान पालुङ उपशाखा अध्यक्ष बिमल कुमार ढकाल, ३ नम्बर वडा सदस्य कृष्ण कुमार कार्की, प्रतिष्ठानका सचिव सहदेव ढकाल, कोषाध्यक्ष सरोज विष्ट, सहसचिव राजाराम रायमाझीको उपस्थिति थियो। सिविरको अवसरमा प्रतिष्ठानले आजीवन सदस्यता समेत वितरण गरेको थियो ।