Byroad News

Loading...

संस्थागत विद्यालयका शिक्षकहरु गुणस्तरीय शिक्षाका लागि प्रतिवद्व भए


संस्थागत विद्यालयका शिक्षकहरु गुणस्तरीय शिक्षाका लागि प्रतिवद्व भए

थाहानगर/१ फागुण
निजी तथा आवासीय विद्यालय अर्गानाइजेशन नेपाल (प्याव्सन) थाहानगर कमिटीले मावि शिक्षकहरुलाई एक दिवशीय कार्यशाला गोष्ठी गरेको छ ।

सोमबार होटल गङ्गामा आयोजित कार्यशाला गोष्ठीमा मावि तहका अङ्ग्रेजी, नेपाली, गणित, विज्ञान र सामाजिक विषयका शिक्षकहरु सहभागी थिए । 

गोष्ठीमा विद्यार्थीमा देखिएका समस्याहरु, पहिचान पछि समाधानका उपायहरु, प्रश्नपत्रमा सबैभन्दा समस्या रहने इकाईहरु, समाधानका उपायहरुमा समुहमा रहेर शिक्षकहरुले प्रस्तुतिकरण गरेका थिए ।

गोष्ठीमा सहभागी शिक्षकहरुले गुणस्तरीय शिक्षाका लागि सबैभन्दा बढी भूमिका शिक्षकहरुको हुने बताउदै कक्षा १० को परीक्षा नजिक आउदै गर्दा अझै सकेको मिहिनेत गर्ने प्रतिवद्वता व्यक्त गरे । 

प्याव्सन थाहानगरका अध्यक्ष सुरेन्द्रमान प्रधानको सभाध्यक्षतामा भएको गोष्ठीमा प्रमुख अतिथि भरत गोपालीले नगरपालिकाले सबै विद्यालयहरुलाई समान हैसियतमा व्यवहार गरेको बताउदै नगरको शैक्षिक विकासका निमित्त संस्थागत विद्यालयहरुको महत्त्वपूर्ण भूमिका रहेको बताउनु भयो ।

गोष्ठीको अवसरमा अध्यक्ष प्रधानले विद्यालय सञ्चालकहरुलाई सहयोगी सहकर्मीको रुपमा हेरेर विद्यार्थीहरुमा रहेको समस्याहरु पहिचान गरि अध्यापन गराउन आग्रह गर्नु भयो । 

गोष्ठीमा प्याव्सन उपाध्यक्ष सजिनभक्त श्रेष्ठ, सचिव संगम कार्की, सदस्य मनोज रायमाझीलगायतले वर्तमान समयमा संस्थागत विद्यालयहरुको समस्या र समाधानका उपायहरु बारे बोल्नु भयो ।

गोष्ठीमा पालुङ भ्याली हार्ट एकेडेमी, हिमालयन इङ्ग्लिस सेकेन्डरी बोर्डिङ स्कुल, पालुङ अङ्ग्रेजी आवासीय माद्यामिक विद्यालय, पालुङ मोडर्न इङ्ग्लिस मिडियम स्कुल, इअन इङ्ग्लिस एकेडेमी र सरस्वती विद्या मन्दिर इङ्ग्लिस सेकेन्डरी बोडिङ स्कुल सहभागी थियो ।

Comments

KATHMANDU WEATHER