Byroad News

Loading...

देशमा एमाले सरकारको बिकल्प छैन: ढकाल


देशमा एमाले सरकारको बिकल्प छैन: ढकाल

थाहानगर/७ कात्तिक
नेकपा एमालेका तर्फबाट मकवानपुर क्षेत्र नम्बर २ 'क' प्रदेश सभा सदस्य उमेदवार विष्णु प्रसाद ढकालले मुलुकको समृद्धिका लागि नेकपा एमाले बिकल्प नरहेको बताउनु भएको छ ।

ढकालले एमाले सरकारमा हुँदा र अहिले गठबन्धनको सरकार रहँदाको बजार मूल्यमै आकास पातालको फरक रहेको भन्दै गठबन्धन सरकार कमिशनतन्त्रमा फसेकोले जनताको दैनिकी जीवन कठिनाई हुँदै गएको बताउनु भयो ।

ढकालले भन्नुभयो 'मलाई कुनै उमेदवारको विरुद्दमा बोल्नु छैन, तपाईहरु आफैल सजिलै मूल्यांकन गर्न सकिने कुराहरु छन् । मात्र यति भन्न चाहन्छु, सुखी नेपाली र समृद्ध नेपालको परिकल्पना साकार पार्न सूर्य चिन्हमा मतदान गरिदिनुस ।'

वडा कमिटी अध्यक्ष गोबिन्द गोपालीको अध्यक्षतामा भएको कार्यक्रममा वडा इञ्चार्ज प्रदिप प्रधान, प्रमुख अतिथि बागमती प्रदेश कमिटी सदस्य बरिना बललगायतले शुभकामना मन्तव्य व्यक्त गर्नुभयो ।

कार्यक्रममा प्रदेश कमिटी सदस्य श्यामभक्त श्रेष्ठ, जिल्ला सदस्य तथा थाहानगर सह-इञ्चार्ज द्वय शशीधर सुवेदी, सुरेन्द्रमान प्रधान, जिल्ला सदस्य शीवराम थापा, सुनिता दोङ, प्रदेश पर्यटन विभाग सदस्य बिमलकुमार ढकाल, नगर सदस्य मनहरी भट्ट, भरत गोपाली, राष्ट्रिय युवा संघ नेपाल थाहा नगर कमिटी अध्यक्ष प्रदिप भट्टलगायतको उपस्थिति थियो। 

Comments

KATHMANDU WEATHER